Multicab mikayo, naugdaw

Argao, Cebu.
Argao, Cebu. (Google Maps)

Nasunog ang usa ka multicab van samtang nagdagan sa karsada sa Barangay Jomgao, lungsod sa Argao, habagatang Sugbo alas 7:20 sa gabii sa Huwebes, Mayo 9, 2024.

Sa interview sa Superbalita Cebu kang F03 Michael Angelo Rodriguez, fire investigator sa Bureau of Fire Protection (BFP) sa Argao, ang drayber nga si Hazel Fameron, 21 ,taga Catang, Argao, niasoy nga sila gikan sa Don Gil sa Poblacion, diin iyang sakay ang iyang ig-agaw nga hamtong ug may usa ka bata.

Padulong na sila nga mopauli ug nagdulhog sa karsada sa Jomgao dihang siya nakamatikod nga may mibuto.

Iyang namatikdan nga may niaso sa usa ka bahin sa multicab hinungdan nga nag emergency parking siya sa daplin sa karsada.

Iyang nakita nga nagkayo na ang ilawom sa mini van multicab.

Matod ni Rodriguez nga dali nila kining girespondihan ug gibuhosan og tubig apan ang sakyanan naugdaw gyud.

Ilang gituohan nga ang ni­buto mao ang starter sa makina hinungdan sa sunog nga nidanyos og P70,000. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph