Superbalita Cebu
Murray gipamulta og $100K sa NBA
Gipamulta sa National Basketball Association (NBA) og $100,000 si Denver Nuggets guard Jamal Murray gumikan sa paglabay niini og nagkadaiyang mga butang ngadto sa referee.
Ang salaod ni Murray nahitabo atol sa dako’ng kapildihan sa Nuggets batok sa Minnesota Timberwolves, 108-80, sa Game 2 sa ilang Western Conference 2nd round playoffs series.
Wala hinuon napahamtangan og suspensyon si Murray sa iyang nabuhat.
Ang Nuggets, nga mao ang defending champions, wala damhang naumod sa 0-2 nga biya ning maong best-of-seven series. / AP