Museo Sugbo: Hipusanan sa mga kabilin ug bahandi

Nasudnong museo sa Sugbo
Nasudnong museo sa Sugbo

Haom ning laing edisyon sa Super Suroy ang akong ipaambit tungod kay karong buwana gisaulog ang ‘Museum and Galleries Month’ ug kining akong tampo magtutok sa nasudnong museo sa Sugbo.

Gibuksan sa publiko niadtong Agusto 1 ang maong nasudnong museo, nga ika-16 museo sa tibuok nasod nga gidumala sa National Museum of the Philippines.

KASAYSAYAN SA EDIPISYO

Natukod niadtong tuig 1910 isip usa ka Customs house o “Aduana” nga nahimutang duol sa Plaza Independencia ug Fort San Pedro.

Napahimuslan ang Aduana sud sa 94 ka mga tuig ug nagpabiling nagbuntaog ang karaang edipisyo human naka-survive sa Ikaduhang Gubat sa Kalibutan.

Ang maong edipisyo gideklarar nga usa ka National Culture Treasure (NCT) niadtong 2019.

Sa tuig 2014, gihimo kining usa ka opisyal nga presidential residence ni kanhi Presidente Gloria Macapagal-Arroyo dinhi sa Sugbo ug gitawag nga ‘Malacañang sa Sugbo.’

Pagka 2013, nakaangkon kini og kadaot sa pagtay-og sa kusog nga linog, nga mitala og 7.1 magnitude, nga niigo sa Bohol ug Sugbo.

Gumikan sa dili luwas nga structural stability, kasamtangang wa una ipagamit ang Aduana o Malacañang sa Sugbo niining mga higayuna samtang gihimo ang restorations ug renovations niini.

GIHIMONG MUSEO

Sa dihang ang Cebu Port Authority ug ang National Museum of the Philippines nihimo og usufruct agreement, gihatagan og katungod ang naulahi sa paggamit ug pag-atiman sa maong building.

Sa pagkakaron ang museo dunay nagkadaiyang gallery nga gibahinbahin sa nagka lainglaing tema.

“Kinaiyahan: Cebu’s Natural Wonders” nga nagpakita og talagsaon nga geological features, flora ug fauna

nga nagkahinayhinay na ug kawala dinhi sa Sugbo.

“Ang Karaang Sugbo ug ang mga Kabiling Bahandi” nga nakuykoyan sa Plaza Independencia, San Remegio ug Boljoon diin atong mapakita ang ka abunda sa atong Sugbo kaniadto.

“Paglawig: Cultural Movement Across the Seas” diin usa sa atong mga inadlaw adlaw nga panginabuhian ang pagpanagat diin gamit sa mga tradisyon sa pagpanagat ug masubay nato ang kaagi sa pagpanagat.

“The Philippine Center New York Core Collection of 1974” atong makita ang nagkadaiyang mga artwork sa mga Filipino Artist sa 1970s.

Ang museo bukas gikan sa alas 9 sa buntag hangtod alas 5 sa hapon matag Martes hangtod sa Dominggo.

Sirado ang museo og Lunes alang sa maintenance ug sa mga mosuroy libre o way bayad ang nasudnong museo sa Sugbo. (Orland James Romarate /
nagsuwat, hulagway)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph