Nabali ang tudlo sa tuong kamot ni Indiana Pacers center Myles Turner human sa iyang pagsuway og hansak sa 2nd quarter atol sa ilang kadaugan batok sa Brooklyn Nets, 133-111, sa National Basketball Association (NBA) ning Martes, Abril 2, 2024 (PH time).
Napakgang man tuod ang iyang paghansak apan nakahagpat og foul si Turner gikan sa usa sa mga sinaligan sa Nets nga si Trendon Watford.
Nakaitsa pa sa freethrow line si Turner ug nakapasulod og usa sa duha ka pagsuway apan human niini, wala na siya nibalik pagduwa.
Nibiya siya nga nagbilin og siyam ka puntos. (AP)