Nadasmagan sa bus, patay

Nadasmagan sa bus, patay

Patay nang nalandig sa tambalanan ang usa ka lalaki nga nadasmagan sa usa ka mini bus sa national highway, Barangay Poblacion 2, dakbayan sa Carcar Sugbo, alas 8:00 sa gabii, Martes, Hunyo 25, 2024.

Ang biktima giila nga si Luceto Campugan, 56, minyo ug taga Sityo Dan-dan, Barangay Poblacion 1, Carcar.

Nakaigo sa biktima mao ang EDC mini bus nga gimaneho ni Armando Estomago, 39, minyo ug taga Bahay, lungsod sa Sibonga.

Sa follow-up sa Superbalita Cebu nasuta nga ang mini bus gikan sa siyudad sa Sugbo ug nagbiyahe pauli sa Sibo­nga apan pag-abot sa maong dapit, ang biktima kalit nga nilabang sa karsada hinungdan nga nadasmagan.

Ang biktima nakabaton og samad sa ulo ug gidali sa pagdala sa Cebu Provincial Hospital - Carcar apan gideklarar sa attending physician nga si Jason Badilles nga dead on arrival (DOA).

Ang drayber sa mini bus gikustodiya sa kapulisan samtang nagpaabot sa hukom sa pamilya sa biktima kon mopasaka kini og kasong reckless imprudence resulting to homi­cide. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph