Nadugta nga lawas napalgan sa kalibunan

PATAY NA: Natingala ang kabanay ni Georgie Develos, 36, sa iyang gidangatan sa dihang nakit-an na lang sa kalibunan nga patay na. /
PATAY NA: Natingala ang kabanay ni Georgie Develos, 36, sa iyang gidangatan sa dihang nakit-an na lang sa kalibunan nga patay na. / San Fernando Municipal Police Office.

Napalgang patay ug nadugta na ang lawas sa lalaki nga caretaker sa balay sa iyang iyaan nga madre sa Purok Sunflower, Sityo Dubdob, Barangay Magsico, bukirang bahin sa lungsod sa San Fernando, Cebu, niadtong Lunes sa hapon, Abril 8, 2024.

Giila ang namatay nga si Georgie Paypa Develos, 36, ulitawo, taga-Barangay Babag, Lapu-Lapu City.

Sa gihimong imbestigasyon sa San Fernando Municipal Police Station nga gipangulohan ni P/Maj. Mark Anthony Villanueva nga ang madre nga iyaan sa namatay nga si Sandrella Paypa natingala nga wa na mobalik sa trabaho si Develos nga katapusang nakit-ang buhi niadtong gabii sa Abril 6.

Tungod niini, nidangop ang madre ngadto kang Magsico Barangay Kapitan Mario Sebial aron maabagan sa pagpangita sa iyang pag-umangkon.

Dinhi napalgan nga nagbuy-od si Develos sa kalibunan nga patay na ug paingon na sa pagkadugta ang lawas niini.

Atol niining pagsuwat, nagpadayon ang imbestigasyon sa kapulisan sa hinungdan sa kamatayon ni Develos, nga ipaubos sa autopsy aron masuta kon unsay hinungdan kamatayon. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph