Nag-inusara ang nakadaug sa 6/49 Super Lotto 6/49 nga jackpot prize nga nagkantidad og P640,654,817.60, sumala sa Philippine Charity Sweepstakes Office (PCSO) sa Miyerkules, Enero 17, 2024.
Usa ka taga dakbayan sa Manila nakapusta sa mananaug nga kombinasyon 26-33-14-48-06-42 sa bola niadtong Martes sa gabii, Enero 16.
Si PCSO General Manager Mel Robles niingon nga hapit 170 milyunes ang pusta sa 6/49 Super Lotto.
Ang mga mananaug mahimo’ng mo-claim sa ilang premyo sa PCSO main office sa Pasay City dala ang ilang duha ka valid identification cards (IDs).
Ang PCSO niingon nga way nakadaug nga bettors sa 6/58 ultra lotto ug 6/42 lotto nga adunay jackpot prize nga P49.5 milyunes ug P16.4 milyunes, matag usa, nga gibola niadtong Martes.
Niadtong Disyembre 29, usa ka nag-inusarang bettor nakakuha usab sa P571 milyunes nga jackpot sa Ultra Lotto 6/58.
Ang Grand Lotto jackpot prize nga kapin sa P680 milyunes wala pa madaug sukad sa Enero 15, 2024. (TPM / SunStar Philippines)