Ulitawo nga hubog nag-night swimming, nalumos alas 2:30 sa kaadlawon, Miyerkules, Mayo 7, 2025, sa Basdako Beach, Barangay Saavedra, Lungsod sa Moalboal.
Si Reneboy Coronado, 18, taga Barangay Nasipit, sa Lungsod sa Barili gideklarar nga dead on arrival (DOA) sa Badian District Hospital .
Sa imbestigasyon ni Police Senior Master Alexander Lerio sa Moalboal Police Station, nasuta nga kuyog ang biktima sa iyang mga higala nagtagay ug dihang nangahubog nag-night swimming.
Ang kauban nga Si Joshua Lareta nitug-an sa kapulisan nga samtang naglanguylangoy sila sa dagat, kalit lang nawagtang ang biktima.
Ila kining gipangita hangtod nga napalngan ilawom sa dagat ug gisuwayan sa pagtabang.
Gidali nila pagtabang inabagan sa Municipal Disaster Risk Reduction and Management Office(MDRRMO) ug gidala sa Badian District Hospital apan wa na gyud maluwas. / GPL