Nag-operate og ‘paluwagan’ nasikop sa kasong estafa

Anaa na sa kustodiya sa Sibo­nga Municipal Police Station ang usa ka dalaga nga gikatahong nag-operate og paluwagan nga wanted sa kasong estafa.

Ang maong dinakpan giila lang sa pangala’ng Joy, 31, nga taga-Purok 9, Barangay Tubod, lungsod sa Sibonga, Sugbo ang adunay warrant of arrest nga giluwatan nga pinitsahan, Agusto 7, 2024

Duha ka adlaw gikan sa paglusot sa warrant nadakpan si Joy niadtong Biyernes, Agusto 9, 2024 sa Brgy. Manatad, bukirang bahin sa Sibonga.

Ang korte mitanyag og P18,000 nga piyansa alang sa iyang temporaryong kagawasan.

Nasayran nga adunay eight counts sa kasong estafa ang giatubang ni Joy samtang ang uban sa maong kaso ang iya nang gipiyansahan. / DVG