Nag-shopping sa mall nga way kuwarta, sikop

SUSPEK: Ang suspetsado nga shoplifter sa department store sa dakong mall sa  Barangay Tejero, dakbayan sa Sugbo, nga nasikop pasado alas 8 sa gabii sa Dominggo,  Abril 28, 2024. /
SUSPEK: Ang suspetsado nga shoplifter sa department store sa dakong mall sa Barangay Tejero, dakbayan sa Sugbo, nga nasikop pasado alas 8 sa gabii sa Dominggo, Abril 28, 2024. / Arnold Y. Bustamante

Usa ka lalaki nga nag-shopping sa usa ka dakong mall nga way kwarta-kwarta gi­pu­sasan human nikuha og branded nga t-shirts nga wala niagi sa cashier ug nidiretso unta sa paggawas.

Nahitabo kini pasado alas 8 sa gabii sa Dominggo, Abril 28, 2024, sa sulod sa department store sa dakong mall sa Barangay Tejero, dakbayan sa Sugbo.

Ang suspek giila nga si Jayson Tantan Lim, 26, taga Taboan, Barangay San Nicolas, Siyudad sa Sugbo.

Nakuha gikan kaniya ang unom ka lainlaing t-shirts nga dunay brand nga Petrol nga mobalor ang tanan og P2,948.

Nabantayan na kining daan sa nakasibilyan nga security nga ang mga t-shirt nga iyang napilian gidiretso og pasok sa ilawom sa iyang shortpants.

Sa dihang nakagawas na siya sa department store dinhi na siya gisita sa mga security personnel sa mall.

Kasong pagpangawat ang ipasaka sa tagdumala sa mall batok sa suspek. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph