Mga construction worker nag-sideline sa pagpamaligya og shabu napusasan alas 11:48 sa gabii, Huwebes, Hulyo 3, 2025 sa Barangay Sangi, Dakbayan sa Toledo.
Ang mga sakop sa Special Drugs Enforcement Units (SDEU) sa Toledo Police Station maoy nakasikop sa mga suspek nga sila si Allan Gallo Empalmado, 28, ulitawo, taga Sityo Sambag, Brgy. Sangi, ug Remondo Largo Hermosa, 36, ulitawo , taga Sityo Bawgo, Brgy. Captain Claudio.
Nakuha sa kapulisan sa ilang possession ang 6.90 gramos nga shabu nga mobalor sa P46,920. Samtang usa usab ka welder ang nadakpan uban sa kakunsabo sa miaging gabii sa Brgy. Cabitoonan, Dakbayan sa Toledo.
Si Rocky Bo-o Cabañog, 26, ulitawo, taga Sityo Aleth, Brgy. Cabitoonan, uban kang John Telmoso Enate, 45, minyo taga Sityo Paho, Brgy. Ibo, nakuhaan og 5.70 gramos nga shabu mobalor sa P38,760. / GPL