Balik prisuhan ang ex-convict nga nanghasi human kanhi uyab hingpit nga niputol sa ilang relasyon alas 6:20 sa gabii Sabado, Hunyo 7, 2025, sa Sitio Puntod, Barangay Mambaling, Dakbayan sa Sugbo.
Si alyas Dominic, 22, nagpuyo sa nahisgutang lugar gitanggong sa Mambaling Police Station samtang si alyas Bea, 23, maoy nipadakop ni Dominic human nag-wild, nagsaba-saba, ug nanghasi sa ilang lugar dihang hingpit niya kining gibuwagan. Nakahukom si Bea pagbiya gumikan sa kanunay nga pagpanagmal.
Kasong alarm and scandal gi-andam sa kapulisan batok kang Dominic. / GPL / JDG