Gibalhog sa prisuhan ang usa ka 31 anyos nga lalaki human siya giingong kalit nga nanghalok ug nibag-id sa iyang kinatawo sa luyo nga bahin sa usa ka 13 anyos nga dalaga mga alas 10:00 sa gabii, Mayo 6, 2025, sa may Sitio San Isidro, Barangay Quiot, Dakbayan sa Sugbo.
Si alyas Roy, 31, ang gitumbok nga nagbinastos sa iya ra sab nga silingan nga si alyas Mikmik.
Ang biktima gikuyogan sa iyang inahan sa Inayawan Police Station aron isumbong ang gihimo sa suspek.
Asoy sa biktima nga ang suspek kalit lang nihalok sa iyang aping ug wala pa kini makuntento nilipot sa luyo ug nanggakos patalikod samtang gibag-id ang kinatawo ngadto sa iyang sampot.
Gumikan sa kahadlok sa biktima nisumbong siya ngadto sa iyang inahan ug gipadakop ang suspek.
Daling gisikop ang suspek pinaagi sa tabang sa mga tanod sa maong barangay ug gi-turnover sa Inayawan Police Station.
Ang suspek mag-atubang og kasong Acts Of Lasciviousness in relation to R.A 7610. / JDG