Nagbiseklita naligsan, patay

Lapu-Lapu City, Cebu map.
Lapu-Lapu City, Cebu map. (Google Maps)

Namatay diha-diha ang usa ka 61 anyos nga lala­king manindahay og isda human siya naligsan sa dumptruck alas 6 sa Biyernes sa gabii, Enero 5 , 2024, eskina Isuyo, Brgy. Mactan, Siyudad sa Lapu-Lapu.

Ang biktima giila nga si Herminihildo Villaver, minyo, taga Zone 6, Brgy. Buaya sa mao nga siyudad.

Ang drayber nga nakaligis mao si Arnie John Miñoza, 29, minyo, taga Purok 4, San Jose, Siyudad sa Sugbo.

Sa interview sa Superbalita Cebu sa traffic police investigator nga si Police Staff Sgt. Allan Osabel, siya nibutyag nga si Villaver nisuot sa mga sakyanan samtang naghuot ang trapiko.

Apan nasulod siya sa usa ka lawom nga libaong hinungdan sa iyang pagkatumba, nabangil ang iyang ulo ug nalatayan sa panguwahiang ligid.

Pulos sila managsama og direksyon.

Sa pagsuwat ning taho, si Miñoza gitanggong pa sa kapulisan alang sa posibleng pagpasaka og kasong reckless imprudence resulting in homicide.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph