Nagdala og armas milikay sa check point
SunStar Local News GPX

Nagdala og armas milikay sa check point

Nadakpan sa mga sakop sa Parian Police Station 1 ang 42 anyos nga habal-habal driver human nakuhaan og armas atol sa checkpoint sa MJ Cuenco Avenue, Barangay T. Padilla, dakbayan sa Sugbo sa alas 9:55 sa Lunes sa gabii, Abril 1, 2024.

Ang suspek mao si Jose Edgar Encarnacion Bohol Jr., alyas Bagyo, taga-Arellano Boulevard, Barangay San Roque, dakbayan sa Sugbo, usa ka habal-habal driver.

Nakuha gikan kaniya ang kalibre .45 nga pistola nga dunay magazine ug unom ka mga bala niini.

Matod ni Police Major Henry Orbiso, hepe sa Parian Police Station, nga samtang nagpahigayon sila og checkpoint sa dapit, kalit lang nga dunay ni-U-turn nga motorsiklo ug dayong sibat.

Apan na intercept si Bohol ni Police Patrolman Ronel Alqueza nga sakop sa advance security.

Sa dihang gipara, kalit lang nga dunay gikuha nga armas sa hawak ang suspek apan maayo na lang nga nagunitan dayon ug naimbargo ang maong pusil.

Giangkon ni Bohol nga nakalitan ra siya sa dihang gisita sa kapulisan hinungdan nibunot sa iyahang armas.

Matod niya nga iyaha unta nga itahan ang maong armas apan naaktuhan na siya sa polis.

Giingong napalit niya ang iyahang armas sa iyang kaila sa kantidad nga P13,000 ug iyang dala-dalahon isip depen­sa sa kaugalingon. (AYB)

Related Stories

No stories found.
SunStar Publishing Inc.
www.sunstar.com.ph