Naputol ang pagduwa sa sugal sa scatter sa cell phone ang 29 anyos nga lalaki sa dihang gipusil sa Sityo Balandia, Brgy. Guiwanon, lungsod sa Argao, alas 6:20 sa gabii, Hulyo 23, 2024
Sa imbestigasyon sa kapulisan sa Argao ubos sa kamandoan ni P/Maj. Janus Giangan nasayran nga ang biktima mao si alyas Eduard, 29, ulitawo, lumolupyo sa samang dapit. Ang namusil usa ka wa mailhing lalaki nga angkas sa usa ka motorsiklo.
Sumala sa taho, ang biktima naglingkod sa daplin sa karsada nga nagduwa og scatter dihang nihunong ang riding in tandem ug gipusil ang biktima, kinsa daling gidala sa Bogo Argao District Hospital.
Atol ning pagsuwat, nagpadayon pa ang imbestigasyon sa kapulisan sa Argao bahin sa maong kaso. / DVG