Wa nay kinabuhi nga nakit-an sa amahan ang 18-anyos niyang anak nga niunay pagkutlo sa iyang kinabuhi niadtong Agusto 13, sud sa ilang panimalay sa usa ka subdivision sa Barangay Yati, Lungsod sa Liloan.
Ang biktima nga usa ka call center agent nailhan lang sa alyas nga Steven nga nakit-ang nagbitay sa ikaduhang andana sa ilang balay.
Nasayran nga si Steven ug iyahang uyab nga si alyas Althea nagkalalis sayo niadtong adlawa tungod sa selos.
Nisaysay si Althea sa kapulisan nga nagpasidaan nang daan si Steven nga tapuson ang iyang kinabuhi.
Alas 11:00 sa gabii, si Althea nibalik sa balay ni Steven ug nangutana sa amahan niini kung asa ang biktima.
Gipangita nila si Steven ug didto sa ikaduhang andana sa balay, nakit-an nilang nagbitay na kini nga wa nay kinabuhi.
HOTLINE
Sa kadtong nag-antos og depression ang Philippine Mental Health Association, Inc. Cebu Chapter nagtanyag og online psychiatric ug psychological services. Mamahimong matawgan ang mga mental health professionals sa mobile number nga 0917-655-0023; pmhacebu1950@gmail.com, Lunes ngadto sa Biyernes, 8AM-5PM o tawag sa Tawag Paglaum Centro Bisaya, 24/7 call-based hotline alang sa suicide prevention ug emotional crisis sa numero 0939-937-5433; 0939-936-5433 ug 0927-654-1629. / JDG / GPL