‘Naghikog’ o gipatay?

‘Naghikog’ o gipatay?

Naghikog o gipatay? Mao ni ang tanghaga nga gisusi pa sa kapulisan kalabot sa kamatayon sa usa ka lalaki nga nakaplagang patay sa alas 9:30 sa buntag sa Huwebes, Mayo 16, 2024.

Way matumbok ang kapulisan nga responsable sa pagdunggab-patay kang Hearty Alcantara, hingkod, sulod sa gipuy-an sa iyang higala sa Maria Gochan, Brgy. Mambaling, siyudad sa Sugbo.

Si Alcantara, lumad sa Lanao del norte ug temporaryong nagpuyo sa dapit sa pantalan sa dakbayan sa Sugbo, nakit-an sa iyang higala nga nagkadugo ug daghang mga samad sa lawas.

Gisubay pa sa Mambaling Police kinsa ang posibling responsabli sa krimen.

Matod sa iyang higala nga niabot sa iyang gipuy-an ang biktima busa iyang gipasulod.

Apan dunay nakuha’ng impormasyon ang kapulisan nga si Alcantara giingong nag-unay og dunggab sa iyang ulo sa miaging adlaw. Matod pa, tuyo niining gisamaran ang ulo sa walay igong rason. / GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph