WALA pa mailhi sa kapulisan ang usa ka patay’ng lalaki nga nagbitay sa usa ka dakong billboard frame sa alas 6:35 sa gabii, Lunes, Hunyo 30, 2025 sa Purok Whiterose, Barangay Yati, Lungsod sa Liloan, Sugbo.
Gi-alyasan og Mr. X ang lawas sa maong tawo nga nagsugod na sa pagkadugta. Gibanabana kini nga nag-edad og 30 ngadto sa 40 anyos, naghukas ug nagsul-ob og jersey nga short.
Sa imbestigasyon ni Police Executive Master Sgt. Christian Gonzaga sa Liloan Police Station, nga usa ka residente nga nagpuyo sa maong dapit maoy nipahibalo sa kapulisan.
Naabtan nga nagbitay ang maong lalaki sa billboard frame samtang ang wala nga bahin sa kamot nagkumot sa transparent plastic nga dunay sulod nga gituohang rugby. / GPL