‘Nagkinabitay’ nga mga polis nasakpang nag sex

Duha ka mga polis gipasakaan og kasong adultery ug concubinage human sila nasakpan sa tagsa-tagsa nila ka kapikas nga naghilawas sulod sa sakyanan sa parkinganan sa mall sa Calamba City.

Sa report sa kapulisan, niingon nga dugay na nga nagduda ang mga kapikas sa duha ka mga polis, nga mga polis usab, nga dunay relasyon ang duha.

Kaniadtong Huwebes, Abril 28, 2024, ang legal nga mga kapikas nisulay sa pagkomprontase sa ilang giingong nanglimbong nga bana/asawa human sila nakakita kanila nga naghilawas sulod sa nakaparada nga sakyanan.

Ang malapason nga mga polis ningsuway sa pag-ikyas ug hapit madasmagi sa sakyanan ang ilang mga kapikas.

Ang bana sa nanglimbong nga asawa nipusil sa ligid sa sakyanan samtang ang asawa nipusil sa iyang mabudhion nga bana diha sa paa ug abaga sa pagkanaug niini sa sakyanan ug misulay sa pagdagan.

Bisan pa man og na-flat ang ligid, ang asawa nga nanglimbong nakaikyas.

Gidala sa tambalanan ang samdan nga polis samtang ang babayeng polis gipaubos sa manhunt operation. / TPM / SunStar Philippines