‘Nagpapulis-pulis’, nang-raid

Local News Official
Local News OfficialSunStar File Photo

Andam moimbestigar ang kapulisan sa dakbayan sa Naga sa giingong unom ka mga tawo nga nangronda sa usa ka dapit sa Brgy. Lutac, dakbayan sa Naga sayo sa buntag sa Biyernes, Nobiyembre 24, 2023.

Apan gikinahanglan nga magpa blotter sila sa kapulisan, matod ni Police Lt. Colonel William Humoc sa interbyo sa Superbalita Cebu, kay way nidangop nga hingtungdan sa ilang buhatan.

Matod ni Humoc sa interview sa Supebalita Cebu nga gisusi na kini sa iyang mga intelligence personnel ug iyang gitataw nga way operasyon ang iyang mga sakop sa naasoy nga dapit.

Si Humoc nakakita sa vi­deo sa usa ka netizen nga gi-upload sa Facebook page bahin sa gingong mga polis nga nag-bonnet ug nag-hoodie jacket nga nisulod sa usa ka balay ug sa mga silingan niini.

Apan matod ni Humoc, ang iyang mga sakop dili mag-bonnet ug hoodie jacket kon dunay ope­rasyon o motubag og alarma.

Wa niya isalikway nga laing unit ang nihimo sa operasyon, kana kon tinuod nga mga polis ang unom ka mga lalaki nga giingon nga nagsakay sa usa ka sports utility vehicle.

Matod sa reklamo nga usa ka babaye ang gidala sa mao nga mga lalaki apan gibuhian ra ug gihangyo nga di magsaba.

Giingon nga nanguha pa kini og P6,000 ug P2,000 sa managlahi nga mga balay.

Si Humoc niingon nga ang ilang rehiyonal nga buhatan nimando sa pagsusi sa maong viral video sa social media kay nakabuling kini sa imahe sa kapulisan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph