GITANGGONG sa bilangguan ang 18-anyos nga lalaki human nanunggab sa iyang 17-an-yos nga higala gamit ang screwdriver sulod sa Cebu City Operation Second Chance Center sa Brgy. Ka-lunasan, Cebu City alas 7:00 sa buntag sa Agusto 12, 2025.
Giila ang suspek nga si alyas John, residente sa Sitio Asinan, Barangay Inayawan.
Ang biktima nga taga-Barangay Ermita, nailhan lang sa alyas nga Lino. Base sa inisyal nga imbestigasyon, nangayo og tabang sa kapulisan ang biktima human siya kalit nga gisumbag ug gidunggab sa suspek nga walay igong rason.
Apan depensa sa suspek, dili siya ang nanunggab kay dunay nahitabong riot tali sa mga batan-on tungod sa pasingit.
Giingong ang biktima dili maminaw sa mga pagbadlong.
Giasoy ni John nga bisan pa og daghan ang naapil sa kagubot, siya na lang ang niangkon sa salaod.
Gipriso si Cuizon sa Guadalupe Police Station ug gipaabot nga mag-atubang og kasong Physical Injury. / JDG