Nahug sa Fish Port, nabalian og gusok

Nahug sa Fish Port, nabalian og gusok

Asa ang kagamhanan sa dakbayan sa Sugbo nga wa gihapon ayuha ang buho sa Cebu City Fish Port?

Kini ang gipadayag ni Dr. Osalla Jellen, nga usa usab ka negosyante og isda diin usa sa iyang mga trabahante si Robaldo Patalinghug nga naa sa intensive care unit (ICU) sa sa Chong Hua Hospital tu­ngod sa pagkabali sa usa ka gusok dihang natagak sa lungag sa Fish Port sa Brgy. Suba sa miaging semana.

Sumala ni Jellen, nahinabi sa Superbalita Cebu sa Do­minggo, Abril 28, 2024, wala sila tagda sa kagamhanan sa dakbayan sa Sugbo.

Sa miaging tuig pa sila gibalhin sa Cebu City Fish Market sa Barangay Suba human temporaryong gibalhin sa South Road Properties (SRP).

Dugang ni Jellen, nag-antos sila kay walay suga ug walay pansayan.

Dili mominos walo ka mga tawo natagak sa buho sa Fish Port apan wala gihapon ayoha, dason ni Jellen, bisan insakto ilang pagbayad sa buhis.

Samtang, ang pamilya sa biktima nanawagan ni Mayor Michael Rama, Cebu City Market Authority, ug ubang hintungdan nga buhatan sa City Hall, sa pagtagad sa ilang reklamo.

Ang Superbalita Cebu wala makakuha og habig sa City Hall human way trabaho sa Dominggo, Abril 29, 2024. / GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph