Sa labing unang higayon gikan sa pagkaangol (left groin strain) ni LeBron James, ang hosts Los Angeles Lakers nakatilaw na og daog diin ilang gibiktima ang Phoenix Suns, 107-96, ning Lunes, Marso 17, 2025 (PH time), sa National Basketball Association (NBA).
Ang Lakers, nga nakabangon gikan sa upat ka sunodsunod nga kapildihan, gipangulohan ni Luka Doncic pinaagi sa iyang 33 puntos ug 11 rebounds samtang nidugang og 28 puntos si Austin Reaves.
Wala pa masayri kon kanus-a makabalik pagduwa si James, kinsa maoy all-time leading scorer. / Gikan sa AP