Dali nga nirespondi ang kapulisan sa Mandaue Police Station 3 sa Mandaue City Police Office sa Barangay Basak human sila nakadawat og tawag bahin sa armed person alarm sa Sityo Mahogany, Brgy. Jagobiao niadtong alas 12 sa tungang gabii, Lunes, Septiyembre 23, 2024.
Ubos sa kamanduan sa ilang station kumander nga si P/Maj/. Jade C. Sumugang, niadto ang kapulisan sa naasoy nga dapit uban sa mga barangay tanod ug nakit-an ang armadong tawo apan namusil kini sa kanila apan walay naigo hinungdan sa ilang pagbawos.
Naigo ang maong suspek nga nailhan nga si Anthony Abasoto, hamtong ang panuigon, ulitawo, ug taga Sityo Lourdes, Brgy. Jagobiao.
Si Abasoto gideklarar nga nakabsan sa kinabuhi ala una sa kaadlawon sa samang adlaw sud sa usa ka ospital. / DVG