Nalos miagak sa Dumanjug

MOALBOAL: Usa ka magduduwa sa Ronda miitsa batok sa Malabuyoc sa usa sa mga aksyon sa 2nd Mayor Inocentes Cabaron Invitational Basketball Tournament sa Moalboal Covered Court sa lungsod sa Moalboal, Cebu ning bag-uhay lang. /
MOALBOAL: Usa ka magduduwa sa Ronda miitsa batok sa Malabuyoc sa usa sa mga aksyon sa 2nd Mayor Inocentes Cabaron Invitational Basketball Tournament sa Moalboal Covered Court sa lungsod sa Moalboal, Cebu ning bag-uhay lang. / MOALBOAL LGU / JANINE S. ABENIDO

Nisandig ang Dumanjug sa maayong gipakita’ng duwa ni JR Nalos aron iposte ang 85-75 nga kadaugan batok sa Aloguinsan sa Group A ning bag-uhay lang 2nd Mayor Inocentes Cabaron Invitational Basketball Tournament sa Moalboal Covered Court sa lungsod sa Moalboal, Cebu.

Grabe ka sikit ang engkuwentro sa duha ka mga kampo gikan sa pagsugod ug nakaginhawa lang og luagluag ang Dumanjug dihang nakatali sila og 56-50 nga labaw pagkahuman sa tulo ka quarters.

Human niini, nanginit na og maayo si Nalos ug gimugna niya sa 4th quarter ang 13 sa iyang kinatibuk-ang 24 puntos.

Nihatag og dakong suporta kang Nalos mao ang kanhi magduduwa sa Philippine Basketball Association (PBA) nga si Jojo Tangkay, kinsa nimugna og 21 puntos.

Sa ilang bahin, ang Aloguinsan gipangulohan ni Andre Caminos Cuizon pinaagi sa iyang 20 puntos samtang niamot og 14 puntos si Reggie Cuerda.

Sa laing duwa, balanseng ataki ang gihimo sa Dalaguete sa ilang pagmakmak sa Alcantara, 91-82.

Gikan sa 62-64 nga biya human sa 3rd quarter, ang Dalaguete ningpabulhot sa ilang opensa sa 4th quarter sa pagpangulo nila ni Ray Alinabon ug Raffy Benson aron iposte ang siyam ka puntos nga kadaugan.

Gimugna ni Alinabon sa 4th quarter ang 13 sa iyang 19 puntos. Niamot og 16 puntos matag usa sila si Benson ug Delgado samtang nidugang og 15 puntos si George Yongco alang sa Dalaguete.

Pagkasunod adlaw, gipangbuntog sa Ronda ang Malabuyoc, 96-87, samtang gipangmakmak sa Barili ang Boljoon, 89-73. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph