Nalumos kay nagapos sa tangsi sa gipana’ng isda

NALUMOS: Wa na matabang pa si Gregorio Viñan, Jr..45, taga Brgy. Baclayan, lungsod sa Boljoon, habagatang Sugbo human siya wa nay panimuot nga gihaw-as gikan sa dagat samtang namana. Nakakuha man tuod siya og dako nga isda nga Pugapo (tuo nga hulagway), apan mao ni nakaingon sa iyang kamatayon.
NALUMOS: Wa na matabang pa si Gregorio Viñan, Jr..45, taga Brgy. Baclayan, lungsod sa Boljoon, habagatang Sugbo human siya wa nay panimuot nga gihaw-as gikan sa dagat samtang namana. Nakakuha man tuod siya og dako nga isda nga Pugapo (tuo nga hulagway), apan mao ni nakaingon sa iyang kamatayon. TAMPO

Nakakuha unta siya og dako nga isda, apan mao kini ang nakaingon sa iyang kalit nga kamatayon.

Nalumos si Gregorio Viñan, Jr., 45, taga Brgy Baclayan, lungsod sa Boljoon, habagatang Sugbo, samtang namana sa alas 10:30 sa gabii sa Miyerkules, Pebrero 14, sa kadagatan sa Brgy. South Granada sa mao nga lungsod.

Matod ni Police Staff Sgt. Noel Pelone, imbestigador sa Boljoon Police Station nga nahinabi sa Superbalita Cebu sa telepuno sa Huwebes, Pebrero 15, 2024, namana ang biktima sa lawom kaayo nga portion sa dagat.

NALUMOS: Wa na matabang pa si Gregorio Viñan, Jr..45, taga Brgy. Baclayan, lungsod sa Boljoon, habagatang Sugbo human siya wa nay panimuot nga gihaw-as gikan sa dagat samtang namana. Nakakuha man tuod siya og dako nga isda nga Pugapo (tuo nga hulagway), apan mao ni nakaingon sa iyang kamatayon.
NALUMOS: Wa na matabang pa si Gregorio Viñan, Jr..45, taga Brgy. Baclayan, lungsod sa Boljoon, habagatang Sugbo human siya wa nay panimuot nga gihaw-as gikan sa dagat samtang namana. Nakakuha man tuod siya og dako nga isda nga Pugapo (tuo nga hulagway), apan mao ni nakaingon sa iyang kamatayon. TAMPO

Si Jeffrey Fajardo, 33, higala sa biktima, maoy nakabangal sa iyang lawas ug ni-report sa kapulisan.

Matod ni Pelone, nga nahibulong si Fajardo kay wala na nikidlap-kidlap ang flashlight sa biktima.

Ang flashlight maoy ilang signal o communication samtang mamana busa iyang gisawom.

Nakugang siya sa iyang nakita nga wa nay panimuot Viñan sa ilawom sa dagat ug nagapos sa tangsi nga naa usab ang iyang kuha nga dako nga Pugapo.

Ang isda gibana-bana nga motimbang og di mominos mga lima ka kilo.

Gibana-bana nga ang giladmon sa tubig naa sa mga 40-50 metros.

Dali niyang gibira ang biktima padulong sa baybayon ug dali-dali nga giaplayan niya og cardio-pulmonary resuscitation.

Dali usab siyang nangayo og panabang sa mga residente sa dapit.

Gidala sa tambalanan sa lungsod ang biktima apan gideklar sa doktor nga patay nang niabot.

Matod ni Pelone nga hayan human naigo sa pana, ang Pugapo nagtuyoktuyok sa biktima samtang nakahigot ang uhas sa dako nga tangsi nga duna pa say gisumpay nga pisi.

Nagapos ang biktima, kinsa nabitad padulong sa ilawom human nagapos sa tangsi.

“Naabtan siya sa ilawom sa dagat naggakos pa sa isdang Pugapo. Unya naglingkod naggakos sa isda nga wala nay kinabuhi,” dugang ni Pelone.

Ang biktima gikataho’ng kanunay mamana sa dapit diin dunay dagkong mga isda nga iyang ibaligya. Ang gagmay nga mga kuha maoy ikunsumo.

Matod ni Pelone nga way foul play sa kamatayon sa biktima, usa kini ka disgrasya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph