Makuhaan ang pwersa sa TNT Tropang Giga sa ilang kampanya sa PBA Philippine Cup kay tungod di makaduwa si Rey Nambatac og upat ngadto sa unom ka semana tungod sa groin injury.
Ang pagkawala ni Nambatac nakapahuyang sa momentum sa TNT, nga bag-o lang nakabangon gikan sa ilang inisyal nga kalisod ug nakakuha og tulo ka sunod-sunod nga kadaugan aron ma-evensyo ang ilang rekord sa 3-3.
Si Nambatac na-injured atol sa ilang duwa sa Meralco Bolts.
Usa sa mga key player sa TNT, si Nambatac, bag-o lang napili nga Finals MVP sa PBA Commissioner’s Cup, ug ang pagkawala niini usa ka dakong hagit sa backcourt sa Tropang Giga.
Si TNT head coach Chot Reyes nag-ingon nga ang pagkawala ni Nambatac usa ka "dako kaayo nga pagkawala," pagkahuman sa ilang importante nga kadaugan batok sa Meralco.
Ang problema sa backcourt sa TNT nagpadayon tungod kay si Jayson Castro wala pa usab nagdula, human masamdan og ruptured right patellar tendon, nga nagpasabot nga wala siya’y pagdula sa tibuok season.
Sa kasamtangan, si Nambatac nag-average og 12.2 puntos, 3.3 rebounds, ug 3.7 assists sa maong conference. / RSC