Nambatac opisyal na’ng sakop sa TNT

Mga duwa sa Gilas isalida sa telebisyon
SunStar Basketball

Nahimo na nga opisyal ang pagbalhin ni Rey Nambatac gikan sa Blackwater Bossing ngadto sa TNT Tropang Giga.

Human sa sunodsunod nga kausaban kabahin sa kasabutan, naaprubahan na sa Philippine Basketball Association (PBA) ang pagtapon sa produkto sa Letran Knights ngadto sa Tropang Giga ning Martes, Hulyo 2, 2024.

Sa naaprubahan nga kasabutan, madawat sa Bossing sila si Kib Montalbo, Jewel Ponferada, ug umaabot nga second-round pick gikan sa Tropang Giga.

Ang nangahisgutang mga magduduwa puwede na nga makaapil sa praktis sa bag-o nilang teams.

Sa orihinal nga kasabutan, si Montalbo ra ug usa ka second-round pick ang ihatag sa Tropang Giga ngadto sa Bossing isip baylo ni Nambatac.

Naapil na sa kasabutan sila si Matt Ganuelas-Rosser, Paul Varilla, ug Barkley Ebona apan wala gihapon kini maaprubahi sa PBA.

Sa mga kasabutan nga sama niini, seguraduhon sa PBA nga balanse ang tanan una kini mohatag og pagtugot. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph