Gihulagway sa National Citizens’ Movement for Free Elections (Namfrel) ang eleksyon ning Lunes, Mayo 12, 2025 nga hapsay ug malinawon sa kinatibuk-an.
Sa usa ka pahayag, giingon sa election watchdog nga kadaghanan sa polling centers sa tibuok nasod nakaabli sa tukmang oras, ug anaa na ang Electoral Boards, mga makina, ug uban pang election paraphernalias.
Gipadayag sa Namfrel nga kini nagpakita nga andam sa kinatibuk-an ang Electoral Board (EBs) sa Commission on Elections (Comelec), timaan sa ilang maayong pagdumala sa proseso sulod sa mga presinto.
Hinuon, ilang gibutyag nga adunay pipila ka mga kabalaka, sama sa pagtugot sa regular nga mga botante nga makabotar bisan pa nga daghan pa sa mga miyembro sa vulnerable sectors ang naglinya tungod sa pagkalangan sa pag-abli sa early voting nga gitagana para sa mga senior citizen, mabdos, ug mga persons with disabilities (PWDs).
Apil usab sa mga problema nga ilang namatikdan mao ang kakulangan sa lingkuranan alang sa mga miyembro sa vulnerable sectors, kabug-at sa mga voter assistance desk, sa holding areas ug sa mga hallway, ug ang kakulangan sa personnel ug volunteers.
“As of 11:30 a.m., Namfrel observers reported high voter turnout in more than 83 percent of voting centers observed,” pamahayag sa Namfrel.
“Like in previous elections, it was also observed that a big part of the voters’ time spent inside the voting center was trying to determine whether they are on the voter list, trying to find their precinct number, and trying to locate their polling place: information that voters could have already obtained, or have been provided to them, prior to election day,” dugang niini.
Nagpakatap ang Namfrel og gatusan ka volunteers sa polling centers sa tibuok nasod alang sa eleksyon. / TPM /SunStar Philippines