Nangawat og gi-marinate nga karne, nasikop

Nangawat og gi-marinate nga karne, nasikop

Lalaki nga nangawat og marinated nga karne sa manok nga gisulod sa usa ka container sa Sitio Manol, Brgy. Tisa, Dakbayan sa Sugbo sa alas 3 sa hapon sa Miyerkules, Hunyo 12, 2024, nadakpan sa mga barangay tanod ug gi-turnover sa Labangon Police Station.

Ang suspek giila nga si alyas Byrelle, 21, taga Purok Sambag, Brgy. Tisa. Matod sa biktima nga si alyas Journel nga niadtong Miyerkules sa buntag nag marinate siya og karne sa manok aron mag barbecue.

Gisulod niya kini sa container aron nianang pagka hapon iyang barbekyuhon.

Apan natingala na lang siya nga sa paghiling niya sa iyang gi­butangan sa karne nga mobalor og P1,500, nawagtang na kini.

Iyang nakita ang suspek nga nagbitbit sa container nga nagdali sa pagbiya.

Dali nga gigukod sa biktima ang suspek ug iya ning gidakop dayong panawag sa mga barangay tanod sa Tisa.

Rason ni alyas Brylle nga nangawat siya og gi-marinate nga manok tungod kay iya ning ibaligya aron ipalit og ilegal nga drugas.

Kasong pagpangawat atubangon ni Alyas Brylle bisan nangayo siya og pasaylo sa iyang gikawatan. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph