Giingong nangawat og helmet sa motorsiklo nga gi-park duol sa Basilica Minore del Santo Niño de Cebu sa Brgy. Santo Niño, siyudad sa Sugbo, nadakpan human nakita sa footage sa CCTV camera.
Nasikop sa Carbon Police Station ang suspek nga giila sa iyang alyas nga ‘RJ’, alas 11:15 sa gabii sa Miyerkules, Enero 17, 2024, sa Warwick Barracks, Brgy. Ermita.
Nakuha gikan sa suspek ang usa ka helmet ug .22 caliber nga revolver nga dunay upat ka mga bala. Ang suspek gitanggong sa kapulisan alang sa pagpasaka sa tukmang kaso.
Ang Carbon Police Station matawag sa ilang hotline mobile 0998-598- 6282.