Usa ka lalaki gidakop human nihulga nga patyon ang iyang inahan kay nasuko nga gihatagan og bahaw nga pagkaon alas 2:10 sa hapon sa Lunes, Mayo 6, 2024, sa Sitio Villa Concepcion, Brgy. Kinasang-an, dakbayan sa Sugbo.
Si Jeffrey Cabaluna Caballero, 43, napriso sa Inayawan Police Station tungod sa kasong grave threat subay sa reklamo ni Carmelita Cabaluna Caballero, 67, inahan sa suspek, nga nahalok sa hulga nga ‘putlan niya og ulo.’
Gipadakop sa mga barangay tanod ang suspek ug gi-turnover sa kapulisan human nakuhaa’g kutsilyo atol sa citizen’s arrest.
“Pan-os ang pagkaon unya modungan na lang ko’g kaon sa iro ug iring,” matod sa suspek nga nahinabi sa Superbalita Cebu samtang siya naa sulod sa selda. / GPL