Samaran ang 52 anyos nga lalake nga igo lang unta nga nangita og signal sa iyang cellphone sa dihang gipusil sa makadaghang higayon sa gunman nga sakay sa motorsiklo.
Ang insedente nahitabo sa Sityo Simangan, Brgy. Lo-ong sa lungsod sa Tabogon Sugbo, Sabado sa buntag, Agusto 10, 2024.
Base sa imbestisayon sa Tabogon Police nga naglingkod ang biktima gitago sa pangalan nga Andro nga samtang nagkuti sa iyang cellphone aron nga makadakop og signal, usa ka lalake nga sakay sa motorsiklo ang mibutho ug kalit lang nga mitira sa biktima sa wa masayri nga hinungdan.
Gikataho nga nakaila ra ang biktima sa gunman apan kasamtangan una nga gipugngan sa kapulisan ilabi na nga nagpadayon pa ang hot pursuit.
Upat ka kabhang sa kalibre 45 nga armas ang nahipos sa kapulisan. / DVG