Nanigbas gibawsan sa pagtigbas, patay

GITIGBAS: Nagbuy-od si Bernardino Deparine Codino, 50, human tigbasa sa igsuon sa iyang kapuyo nga nilaban sa ginang nga giingong gisuwayan pagtigbas sa biktima. / TAMPO
GITIGBAS: Nagbuy-od si Bernardino Deparine Codino, 50, human tigbasa sa igsuon sa iyang kapuyo nga nilaban sa ginang nga giingong gisuwayan pagtigbas sa biktima. / TAMPO

Patay nang nidangat sa ospital ang usa ka lalaki nga gitigbas ang liog alas 6:45 sa gabii sa Sabado, Abril 20, 2024, sa Purok 3, Barangay Carmen, siyudad sa Toledo.

Ang biktima giila nga si Bernardino Deparine Codino, 50, ulitawo apan dunay kapuyo. Samtang ang suspek giila nga si Virgilio Sanchez Noquillo, 44, minyo. Ang duha pulos mga lumolupyo sa maong dapit.

Sa pasiunang imbestigas­yon sa kapulisan sa Toledo City ubos sa kamandoan ni P/Lt. Col. Manolo S. Salvatierra, base sa asoy sa kapuyo sa biktima nga si Nieves Sanchez Noquillo, si Codino nagmaoy sa kahubog.

Gitigbas siya gamit ang lampas apan wa kini makaigo kaniya.

Dugang sa kapuyo, nakasaksi niini ang iyang maguwang ug nilaban kaniya pinaagi sa pagtigbas usab sa iyang kapuyo nga naigo sa liog. Gidala si Codino sa Toledo City Hospital apan gideklarar nga dead on arrival (DOA).

Ang suspek nadakpan sa hot pursuit sa kapulisan sa siyudad ug mag-atubang og kaso nga homicide. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph