‘Naniko’ sa dughan sa babaye, gidakop

‘Naniko’ sa dughan sa babaye, gidakop
SunStar Local News GPX

Nabalhug sa selda sa Mabolo Police Station ang usa ka 53 anyos nga lalaki nga giingong nagbinastos sa usa ka babaye nga pasahero sa jeepney, alas 9:50 sa gabii sa Sabado, Marso 16, 2024, sa Archbishop Reyes Ave., Brgy. Luz, Cebu City.

Ang suspek (tinuod nga ngan gipugngan samtang kaso wa pa napasaka), nga si Ram,  adunay kapuyo, taga City Central, Brgy. Luz gipasanginlan sa 18 anyos nga dalaga nga taga Brgy. Bacayan nga nagbinastos.

Sigun sa biktima nga samtang sakay sila sa modern jeep nga dunay rota sa Talamban-Colon, gidumbol ang iyang dughan sa siko ni Ram nga iyang tupad.

Wala pa matagbaw, giingong buot pa unta nga hagkan ang ilawom sa dunggan sa biktima. Iyang gihulagway nga hubog ang suspek tungod sa kabaho sa ilimnon nga makahubog.

Pag-abot sa Bureau of Internal Revenue (BIR), iyang nakita sila si Police Staff Sergeant Esmer Escultor, Police Corporal Rojean Anthony Daño, Police Corporal Rochard Navarro ug Police Staff Sergeant Leoucio Pescador.

Iyang gipadakop si Ram, kinsa nanghimakak sa mga pasangil sa dalaga.

Ikiha ang suspek og Anti-Bastos Law. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph