Napriso human sa ‘usa ka gabii nga relasyon’

PRISUHAN MIDUNGGO: Si Felmer Bucad, 39, taga Purok 4, Brgy. CMR, lungsod sa Maigo, Lanao del Norte, sa bilanggoan nisangko gikan sa dakbayan sa Ozamiz kay gidakop dihang nidunggo ang iyang gisakyang barko sa Pier 1, dakbayan sa Sugbo sa alas 5 sa kaadlawon sa Dominggo, Enero 21, 2024, tungod sa reklamo sa 23 anyos nga babaye nga iyang giingong nga iyang nauyab sulod sa usa ka gabii sa barko.
PRISUHAN MIDUNGGO: Si Felmer Bucad, 39, taga Purok 4, Brgy. CMR, lungsod sa Maigo, Lanao del Norte, sa bilanggoan nisangko gikan sa dakbayan sa Ozamiz kay gidakop dihang nidunggo ang iyang gisakyang barko sa Pier 1, dakbayan sa Sugbo sa alas 5 sa kaadlawon sa Dominggo, Enero 21, 2024, tungod sa reklamo sa 23 anyos nga babaye nga iyang giingong nga iyang nauyab sulod sa usa ka gabii sa barko. Guam P. Logroño

Usa ka lalaki nagmahay sa ‘usa ka gabii nga relasyon’ tali sa usa ka babaye sakay sa barko human gipadakop sa pagdunggo sa Pier 1 sa dakbayan sa Sugbo gikan sa dakbayan sa Ozamiz, alas 5 sa kaadlawon sa Dominggo, Enero 21, 2024.

Si Felmer Bucad, 39, du­nay kapuyo, construction wor­ker, taga Purok 4, Ba­rangay CMR, lungsod sa Maigo, Lanao del Norte, gipadakop sa usa ka ginganla’g Mariel (dili tinuod ngan), 23, dalaga, nipailang taga dakbayan sa Iligan.

Si Bucad gidakop sa mga personnel sa Maritime Police sa pantalan atol sa ilang pagkanaug sa barko tungod sa reklamo nga ‘pagpanglugos.’

Si Bucad nga nahinabi sa Superbalita Cebu sulod sa Waterfront Police Station, nagkanayon nga wala siya magdahom nga ipadakop ni Mariel.

Matod ni Bucad, nagtawganay sila og ‘gang’ sa ilang ka-sweet human sila nagkau­yab samtang naglawig ang barko gikan sa Iligan City apan nihapit sa dakbayan sa Ozamiz sa alas 8:00 sa gabii niadtong Sabado.

Si Bucad nisakay sa barko aron motrabaho dinhi sa Sugbo isip construction worker sa usa ka proyekto sa dakbayan sa Talisay.

Matod niya nga gikaila niya si Mariel ug naluoy niini kay walay igong kwarta ug kulang sab sa kaon.

Si Mariel nipahibalo kaniya nga moapas sa iyang amahan nga naa sa dakbayan sa Bogo, amihanang Sugbo.

Sa ilang pagkaila, dali ra kaayo silang “nagkahinigugmaay.’”

Naghimo dayon og Facebook page si Mariel alang kanilang duha, dason ni Bucad.

“Nagkauyab mi naghalog-halog dayon mi sa roof deck sa barko. Kana murag naa sa salida gyud sa (salida nga) Titanic si Rose ug Jack, naggukod-gukod mi sa taas sa barko,” asoy ni Bucad.

“Naunsa man pagkahitaboa sa pagkanaug namo sa barko gipadakop ko sa polis,” asoy ni Bucad.

Gipasabot niya nga sinabutan nilang duha ang pag-kiss-kiss, ug uban pa.

Iyang giangkon sa Superbalita Cebu nga iyang gihinol ang pribadong bahin sa dalaga apan, matod niya, nagkasabot sila sa ilang gibuhat.

Gipadayag niini nga nagtuo siya nga naka-jackpot siya sa­ma sa nakadaog og lotto.

Dugang niya nga kon nagtuo si Mariel nga makakwarta kaniya, kini nasayop kay duna siyay pamilya ug upat ang a­­nak niya sa Mindanao.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph