MAAYO'NG pagkasiak sa agtang sa usa ka lalaki human gitigbas samtang natulog alas 2:30 sa hapon sa Huwebes, Abril 10, 2025, sa Sitio Huyong-Huyong, Barangay Mambaling, Dakbayan sa Sugbo.
Ang biktima nga si Isias Cardosa, 57 anyos, molupyo sa nahisgutang lugar, daling gidala sa Cebu City Medical Center (CCMC) human sa hitabo.
Samtang gitanggong sa Mambaling Police Station ang iyang silingan nga suspek nga si Dino Mangco Matanog, 51 anyos, minyo, usa ka e-bike driver.
Giingon nga tungod sa kahubog na-tripingan ni Matanog ang biktima. Matod pa nga ang suspek nisulod sa panimalay sa biktima ug gideretso og tigbas ang agtang niini samtang nahinanok sa pagkatulog. Mga silingan ug tanod sa dapit mao'y nisikop sa suspek ug ni-turnover niini sa kapulisan. / GPL