Nat’l government moduso og P6.3 trilyunes nga budget

Nat’l  government moduso og P6.3 trilyunes nga budget
SunStar Local News

Ang National Government mangayo og P6.352 trilyon nga budget alang sa fiscal year 2025, butyag ni Department of Budget and Management (DBM) Secretary Amenah Pangandaman sa Huwebes, Hunyo 27, 2024.

Sa press conference, si Pangandaman niingon nga ilang ipresentar ang proposed budget ngadto sa Kabinete karong Hulyo 2, tulo ka semana sa dili pa ang State of the Nation Address ni Presidente Ferdinand Marcos Jr. sa ika-22 ug isumite kini sa Kongreso sa petsa 29.

Ang proposed budget alang sa sunod tuig mas taas og 10.1 porsiyento kay sa gahin karong tuiga nga P5.768 trilyon.

Si Pangandaman nagkanayon nga ang pag-usbaw tungod sa mas taas nga national tax allocation base sa miaging duha ka tuig nga kita, nga misaka tungod sa ekonomikanhong kalihukan human sa Covid-19 pandemic.

Iyang namatikdan ang 20 porsiyento nga mas taas nga alokasyon sa budget alang sa mga local government unit gikan sa P871.38 bilyon sa piskal nga tuig 2024 ngadto sa P1.03 trilyon sa sunod tuig.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph