Naunay sa kuryente sa isda, namatay

Map of Pinamungajan, Cebu.
Map of Pinamungajan, Cebu. (Google maps)

Usa ka 16 anyos nga binatilyo nga nanguryente og isda (paagi sa panagat) namatay sa dihang naunay og kuryente.

Kini nahitabo niatong Lunes, Enero 22, 2024 sa ala 1:00 sa hapon sa Purok Canak, Barangay Rizal, Lungsod sa Pinamungajan, habagatang kasadpan sa Sugbo.

Ang biktima giila nga si John Braxton Salomon Alqueza, taga Purok 5, Brgy. Buhingtubig, Pinamungajan.

Sa nahipos nga kasayuran sa kapulisan base sa pamahayag sa inahan ni Alqueza nga si Gloria Alqueza, 45, kini nibutyag nga alas 10:30 sa buntag sa Lunes nilakaw ang iyang anak kay mangurintig isda uban sa higala niini nga si Jerry Anadalia Tañajora.

Pagka-ala 1:00 sa hapon samtang gitarong ang mga wire sa kuryente, nahikapan ni Alqueza ang live wire hinungdan sa pagkirig.

Suway nga nitabang si Tañajora sa iyang higala apan napakyas.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph