Nibiya si Will Navarro sa Magnolia Chicken Timplados Hotshots sa Philippine Basketball Association (PBA) aron moduwa sa Korean Basketball League (KBL) ubos sa kampo sa Busan KCC Egis.
Opisyal na nga gianunsyo sa Egis ning Martes, Agusto 5, 2025, kining maong kalambuan, nga nagputol sa dul-an sa tulo ka mga buwan nga pagduwa ni Navarro sa Hotshots.
Nakuha sa Hotshots si Navarro gikan sa NorthPort Batang Pier niadtong Mayo pinaagi sa trade baylo nila ni Calvin Abueva, Jerrick Balanza ug usa ka future draft pick. / ESL