Nagpadayon ang negusasyon tali sa National Basketball Association (NBA), FIBA, ug uban pang mga grupo kabahin sa plano nga magtukod og bag-ong liga sa Europe.
Apan giklaro ni NBA Commissioner Adam Silver nga padayon ang sabut-sabot apan di pa kini mahitabo karong tuiga.
“I will say it’s measured in years, not months,” sigon ni Silver. “So, we’re at least a couple years away from launching. It would be an enormous undertaking. And while we want to move forward at a deliberate pace, we also want to make sure that we’re consulting with all the appropriate stakeholders, meaning the existing league, its teams, European players, media companies, marketing partners. There's a lot of work to be done.”
Giklaro ni Silver nga gusto nila nga hapsay ug han-ay ang proseso, ug dili lang basta-basta nga ipatuman. Ang mga kauban sa liga sa Europe, mga media partners, ug marketing groups, apil sa ilang gustong konsultahon.
Sa Marso pa lang, gipahibalo na nila ni FIBA Secretary General Andreas Zagklis nga andam na sila mosugod og lihok. Tinguha nila nga magsugod sa usa ka liga nga adunay 16 ka teams. / RSC