Sugdan karong Miyerkules sa buntag, Abril 16, 2025 (PH time), ang play-in tournament sa National Basketall Association (NBA).
Sa Eastern Conference, ang No. 7 Orlando Magic mo-host sa No. 8 Atlanta Hawks sugod sa alas 7:30 ang takna samtang sa Eastern Conference samtang mo-host ang No. 7 Golden State Warriors sa No. 8 Memphis Grizzlies sa Western Conference sa alas 10:00 sa buntag.
Ang modaog ning mga sangkaa mao ang makaangkon sa No. 7 nga puwesto sa playoffs sa matag komperensya samtang ang mapilde makigsangka sa modaog sa engkuwentro tali sa No. 9 batok No. 10 aron ilugan ang No. 8 sa playoffs.
Ang No. 9 sa East mao ang Chicago Bulls samtang No. 10 ang Miami Heat. Sa West, ang No. 9 mao ang Sacramento Kings samtang No. 10 ang Dallas Mavericks.
Ang mapilde tali sa No. 9 batok No. 10 mosunod sa mga nanamilit na og sayo.
Ang modaog tali sa Warriors ug Grizzlies mao ang makigsangka sa West No. 2 Houston Rockets alang sa best-of-seven first round playoffs series.
Samtang ang modaog tali sa Magic batok Hawks mao ang makigbatok sa East No. 2 Boston Celtics sa laing best-of-seve first round playoffs series.
Sukad nga gihangop sa NBA ang play-in tournament, ang Warriors wala pa nakatilaw og daog sulod sa tulo ka mga higayon ug mao kini ang nakabalaka ni coach Steve Kerr.
“I haven’t loved it because we’ve been on the wrong end of it,” batbat ni Kerr. “We’re 0-3 in these play-in games.”/ AP