Daw dili makatuo ang usa sa mga tirador sa National Basketball Association (NBA) champion Oklahoma City Thunder nga si Isaiah Joe nga adunay 4-point shot sa Philippine Basketball Association (PBA).
“Is that real? That’s real? That’s my spot. That must be the Isaiah Joe spot, huh?” matod ni Joe nga napatik sa www.gmanews.tv.
Si Joe nibisita sa Pilipinas ning bag-uhay lang alang sa usa ka bakasyon.
Nasurpresa man tuod si Joe kabahin sa 4-point shot apan iyang gipanghinaut nga mohangop ang NBA niini puhon. / ESL