NBA stars midugang og sidlak sa Vegas

NBA stars midugang og sidlak sa Vegas
REUNITED: Ang kanhi teammates sa Golden State nga sila si Stephen Curry (tuo) ug Kevin Durant magkauban pagbalik alang sa Paris Olympics. / Hulagway sa Internet

Ang labing dagko nga mga bituon sa basketball naabot sa pinakabibo nga lugar sa Estados Unidos, ang Las Vegas, aron mangandam na sa 2024 Paris Olympics.

Ang greatest shooter sa history sa NBA nga si Stephen Curry, deadly-scorer Kevin Durant, ug si LeBron James nagdungan og abot sa Las Vegas alang sa training camp sa US men’s basketball team.

Daw gitawag na sa USA ang halos tanang dagkong ngalan sa NBA alang sa ilang tinguha nga masakmit ang ikalimang sunodsunod nga gold medal sa men’s basketball event sa Olympics.

Kay gawas sa future hall-of-famers nga sila si Curry, Durant ug James, naa pud sa lineup sa team USA sila si 2023 MVP Joel Embiid, NBA champions Jayson Tatum ug Jrue Holiday, two-time champion Kawhi Leonard, Anthony Davis, Devin Booker, Anthony Edwards, Tyrese Haliburton, ug Bam Adebayo.

Unang niabot ang 4-time NBA champion ug 2-time league MVP nga si Curry, gisundan pud kini nila ni James, Davis, Leonard ug Holiday.

Ang US team dunay four-day training camp sa Vegas. Sundan kini og world tour sa tulo ka lugar diin makigduwa sila batok sa Canada, Australia, South Sudan, Serbia ug ang reigning FIBA World champions Germany.

Human sa world tour, modiretso na ang team sa Paris alang sa Olympics.

Si James nalakip sa US team sa unang higayon sukad 2012 kay nagtinguha siya nga makuha ang ikatulo nga gold medal sa Olympics. Samtang si Durant ang all-time leading scorer sa US men’s team kay mopunting sa record nga ikaupat nga Olympic gold medal.

Ang lima ka players nga sila si Adebayo, Devin Booker, Jrue Holiday, Jayson Tatum ug Anthony Davis dunay usa ka Olympic gold sa ilang career.

Ang mga first-timer sa Olympics mao sila Haliburton, Edwards, Curry, Leonard, ug Embiid.

Mas gipili ni Embiid nga moduwa sa Team USA kay sa France o Cameroon.

Ang team USA miduwa sa Olympics 19 ka mga higayon. Nidaug sila og 16 ka golds, usa ka silver ug duha ka bronze.

Sa Paris Olympics naa sa Group C ang mga Amerikano diin ilang makaduwa ang Serbia, debuting South Sudan, ug ang winner sa Puerto Rico Olympic Qualifying Tournament. / RSC

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph