Magpabilin sa heightened alert status ang National Capital Region Police Office (NCPRO) aron masiguro ang pagmintinar sa kalinaw ug kahapsay taliwala sa posibleng mga kalihokan nga may kalabotan sa pagkasikop ni kanhi presidente Rodrigo Duterte.
Sa interbyu sa telepono niadtong Biyernes, Marso 14, 2025, si NCRPO Director Brigadier General Anthony Aberin miingon nga ang heightened alert mahimong epektibo sa alas 5 sa hapon.
Kaniadtong Martes, Marso 11, gipaubos sa Philippine National Police (PNP) ang tanang unit niini sa heightened alert isip preventive measure batok sa bisan unsang mahitabo human sa pagkasikop ni Duterte sa iyang pag-abot sa Ninoy Aquino International Airport (NAIA) Terminal 3 tungod sa warrant of arrest nga giisyu batok kaniya sa International Criminal Court (ICC).
Ang tigpamaba sa PNP nga si Brigadier General Jean Fajardo niingon nga ang kamandoan gilibkas na niadtong Marso 13, apan ang mga police commander gihatagan og katungod sa paghimo og mga lakang sa seguridad depende sa sitwasyon sa ilang lugar.
“Malalaking rally po. Wala pa pong coordination na natatanggap ang NCRPO kasi kung malalaking rally, naga-apply naman sila ng permits. Pero wala pang nagco-coordinate sa amin na mga grupo, pero just the same we have declared heightened alert status effective today dito sa NCRPO, meaning mga pulis natin on stand by and ready to respond anytime,” ingon ni Aberin.
“As a preemptive measure usual naman natin ginagawa yan kasi may nabasa tayong mga posting nag-declare po tayo ng heightened alert… Your NCRPO is on top of the situation and we are ready to deploy personnel in case may mga lightning rallies,” dugang niya.
Matod ni Aberin nga wala pay nabantayan ang NCRPO nga bisan unsang nagsingabot nga hulga batok sa kalinaw ug kahusay sa Metro, taliwala sa gi-post sa social media nga nag-awhag sa publiko nga “pangandaman” ang usa ka sitwasyon nga motumaw human sa pagdakop ni Duterte. /TPM / SunStar Philippines