Nipanaw na sa laing kalibutan ang dugay nang peace negotiator sa National Democratic Front of the Philippines (NDFP) nga si Luis Jalandoni sa edad nga 90.
Sa usa ka pamahayag niadtong Sabado sa gabii, Hunyo 7, 2025, gikompirmar sa Communist Party of the Philippines (CPP) ang pagkamatay ni Jalandoni mga alas 9:05 sa buntag sa Utrecht, Netherlands (alas 3:05 sa hapon sa Pilipinas).
Matod sa CPP, si Jalandoni, kinsa senior political consultant ug sakop sa executive committee sa NDFP, gilibutan sa iyang mga kauban, sa iyang asawa nga si Ka Coni, ug sa iyang pamilya.
“The Central Committee of the Communist Party of the Philippines expresses its condolences to Ka Louie’s family, whose love, strength, and support accompanied him through decades of service to the Filipino people’s revolutionary cause,” pamayag sa CPP.
Si Jalandoni nagsilbing pangulong negotiator sa NDFP, ang political wing sa CPP, sa negosasyon uban sa gobiyerno sa Pilipinas nga nagtumong sa pagtapos sa mga dekada nang insurhensya sa komunista sa nasod.
Niadtong 2019, giputol ni kanhi Presidente Rodrigo Duterte ang panagsultihanay sa kalinaw uban sa CPP-NDFP.
Niadtong 2022, si Jalandoni, kinsa nag-inusara sa pagkadestiyero kauban ang lima ka giingong miyembro sa CPP, giila nga terorista sa Anti-Terrorism Council. /TPM / SunStar Philippines