NFA mihatag og 5K ka sako sa bugas sa Kapitolyo

NFA mihatag og 5K ka sako sa bugas sa Kapitolyo
NFA logo courtesy of NFA's Facebook page

Mohatag og inisyal nga 5,000 ka sako sa bugas ang Natio­nal Food Authority (NFA) sa kagamhanan sa probinsya sa Sugbo isip abag sa mga programa sa Kapitolyo.

Kini maoy gipahibawo ni NFA Acting Administrator Larry Del Rosario Lacson atol sa iyang pagbisita sa opisina ni Cebu Governor Gwendolyn Garcia.

Unang nahisgutan sa mga opisyal ang Sugbo Merkadong Barato diin mahimong available ang supply sa NFA rice nga tag P20 ang kilo.

Lakip usab ang Sugbo School Feeding Program diin mga tinun-an sa pampublikong tunghaan ang mga benepisyaryo; ug ang Bugasan sa Kababayen-an sa mga barangay nga nagbaligya og tag P27 ang kilo sa bugas.

Subay niini, nangayo og pagsabot ang NFA sa kakuwang sa supply sa bugas apan gipasalig niini nga i-prioritize ang pag-supply og bugas alang sa Sugbo School Feeding Program sa moabot 878,000 gikan sa Kindergarten hangtod sa Grade 12.

Ang gobernador sa probinsya sa Sugbo sa iyang bahin mipadayag usab sa iyang paglaom nga tumanon ni Lacson ang iyang saad isip suporta sa mga programa sa lalawigan. / ANV

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph