NGCP cable nga naputol ayuhon sa Visayan Electric

NGCP cable nga naputol ayuhon sa Visayan Electric
File photo/Visayan Electric

Gipasalig sa Visayan Electric ni Cebu Governor Gwendolyn Garcia nga ilang dalion ang pag-ayo sa naputol nga mga kable sa National Grid Corporation of the Philippines (NGCP) nga miresulta sa power outages sa isla sa Mactan diin apektado ang dakbayan sa Lapu-Lapu ug lungsod sa Cordova.

Si Visayan Electric President Engr. Raul Lucero nisaad nga angkunon sa kompaniya ang responsibilidad sa pag-ayo sa mga daot nga kable pagsiguro nga walay mahitabong power interruptions sa umaabot ilabi na sa kasamtangang nasinati nga grabeng kainit.

Iyang gidugang nga ugaling mahitabo usab ang power shortage o kakuwang sa supply sa kuryente, mahimo kini nga makig-alayon sa pribadong power plant nga East Asia Power Plant nga makasawo sa load aron malikayan ang power interruptions sa isla sa Mactan.

Sa nasayran nga sa Abril 29, atol sa gihimong excavation work sa Visayan Electric sa UN Avenue sa dakbayan sa Mandaue, naputol ang power cable line 2 sa NGCP nga nag supply og moabot sa 180 megawatts sa Mactan Island.

Samtang nagpadayon ang repairs sa mga kable, ang East Asia Power Plant lang una ang mo-operate isip alternatibong power source sa isla aron ma-stabilize ang power supply. / ANV

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph