Nanghawod pagbalik ang Cebu City Niños sa Central Visayas Regional Athletic Association (Cviraa) Meet nga nahuman niadtong Dominggo, Marso 16, 2025, sa Bayawan City, Negros Oriental.
Ang Niños ningdominar sa labing dakong kompetisyon sa rehiyon ug nakahakot kini og 105 golds, 89 silvers, ug 73 bronzes.
Ningsakmit sa ikaduhang puwesto mao ang Bohol Province nga nakakuha og 61 golds, 51 silvers, ug 79 bronzes samtang naa sa ikatulo ang Cebu Province nga adunay 42 golds, 40 silvers, ug 79 bronzes,
Naa sa ikalima ang Mandaue City nga nakarehistro og 31-43-56 medal tally samtang ikaunom ang Tagbilaran City nga ningposte og 31-26-29.
Ning maong kompetisyon kuhaon ang mga atleta nga morepresentar sa rehiyon alang sa umaabot nga Palarong Pambansa.
Usa sa events nga gipangdominar sa Niños mao ang dance sports diin nakabaton ang Sugboanong puwersa og 12 ka gold medals.
Sa laing bahin, mao kini ang katapusang higayon nga mosalmot ang Bayawan City, Siquijor, ug Negros Oriental sa Cviraa gumikan kay pulos na kini motapon sa bag-ong naporma nga Negros Island Region. / CVIRAA Media Team, DepEd Cebu City